اخواني واخواتي اعضاء منتديات الوئام الاعزاء:
اضع بين يديكم هذه القصيده وهي عباره عن خلاصة بعض تجاربي في هذه الحياة.
إمل ان تنال استحسانكم:
لا تفرح إن الوقـت أسعدك واعطاك = لابــد مـا ســود اللـــــيالي تبكيـــك
دنــــــيا تقـلـــب علــها مـــاتــولاك = تمسي عزيز وتصبح من الصعاليك
إلى اقبلت تخفي عيوبك عن اعداك = وإلى ادبرت تظهـر عيوبك لاهالـيك
اغنم من صروف الدهر كانه امداك = قـبل اللحد عن ظاهر الارض يخفيك
وترى التشكي للمخاليق يشــــنـاك = يحط من قدرك ويـفـرح امــعــاديـك
وكثر التـشره يجعـل الناس تجـفاك = ولا عــاد تلـقى بيـنهـم من يخـاويك
ولا تمادى في زعل من ترضــــاك = مادام جاء عاني على شأن يرضيك
ولا تخــاوي من على ابوه بــــداك = هذاك وان طال الزمان يغدر فـيـــك
والـجـاهل احـذر لاتجـادلـه يـبــلاك = في كـلـمة بين الـمخاليـق تعـمـيــك
والهرجه العوجى لو أنه تنـصــــاك = حـاول تجـاهـلهـا وخــلـه تـعـديـــك
ولاتخـيـب هـقـوت اللي تـهـقـــواك = مادام جاء بين المخاليق ناصيـــــك
واحـذر تـهـزا يـافـتـى بخلق مولاك = تـشـوفـها باقـرب قـريـبٍ يوالـيـــك
ولاتفرح بزودٍ على الحق وان جاك = زودك ترى نقصٍ على حق ذوليـك
وخل القناعه ميزةٍ من مزايـــــــاك = مـع الـقـناعـه كــل شـيٍ يـكـفـيـــك
وان جتلك الدنيا على غير مشهـاك = اصبر ترى بالصبر تدرك امــانـيـك
لا تأمـن الدنيــا تـرى الوقـت فتـاك = لجا القـدر كثـر الحـذر ما ينجـيـــك
احمد بن عبدالرحمن العريفي
(نديم المجره)
أنت غير مسجل في منتديات الوئام . للتسجيل الرجاء إضغط هنـا
لا تفرح إن الوقـت أسعدك واعطاك.......(نصيحه) 
